१०९ औ अन्तरास्ट्रिय नारी दिबस इच्छाकामना गाउँपालिका वडा नं ६ र वडा नं ७ ( सिमलढाप ) मा भब्यताका साथ सम्पन्न भयो ।
कुरिनटार, २४ फागुन, चितवनको एकमात्र गाउँपालिका इच्छाकामनाले बालिका बचत कार्यक्रम औपचारिक रुपमा सुरु गरेको छ ।गाउँपालिकाले १०९ औं विश्व नारी दिवसको अवसर पारेर एक कार्यक्रमको आयोजना गरि बालिका बचत कार्यक्रमको औपचारिक रुपमा सुरु गरेको हो । कार्यक्रममा चालु आर्थीक वर्ष २०७५/०७६ को साउन देखि हालसम्ममा स्वास्थ्य केन्द्रमा जन्मिएका इच्छाकामना गाउँपालिका भित्रका २३ जना बालिकाहरुको नाममा बैंकमा खाता खोलिएको जानकारी दिईएको थियो । साथै उक्त खातामा गाउँपालिकाले जम्मा गरिदिने भनिएको प्रति बालिका १० हजार रकमको चेक गाउँपालिका अध्यक्ष गीता कुमारी गुरुङले बालिकाका अभिभावकलाई हस्तान्तरण गरिएको छ । उक्त चेक रकम हस्तान्तरण कार्यक्रमलाई सम्बोधन गर्दै गर्भमा नै लिङ्ग पहिचान गरि बालिका हत्या गर्ने कार्यलाई निरुत्साहीत र बालिकाको शिक्षामा जोड दिन गाउँपालिकाले बालिका बचत कार्यक्रम सुरु गरेको गाउँपालिका अध्यक्ष गीता कुमारी गुरुङले बताउनुभयो । गुरुङले भन्नुभयो –‘यो कार्यक्रमले कम्तिमा पनि भोलिका दिनमा बालिकाको उच्च शिक्षाको लागी सहयोग पुग्नेछ भन्नेमा हामी आशावादी छौं ।’गाउँपालिकाले चालु आर्थिक वर्षको बजेट निति तथा कार्यक्रममा नै समावेश गरेर यो कार्यक्रमको सुरुवात गरेको उहाँले जानकारी दिनुभयो । यस कार्यक्रमका लागि गाउँपालिकाले चालु आर्थिक वर्षमा ५ लाखको बजेट व्यवस्था गरेको छ ।अहिलेलाई स्वास्थ्य केन्द्रमा जन्मेका बालिकाहरुलाई मात्र यो कार्यक्रममा सहभागिता गरिने भए पनि आगामी दिनमा सबै बालिकाहरुलाई यो कार्यक्रममा जोड्ने योजना रहेको उहाँले बताउनुभयो । उहाँले भन्नुभयो–‘आगामी दिनमा हामीले बालिका बचत कार्यक्रमलाई निरन्तरता दिनको लागि कोष स्थापना गरिनेछ र उक्त कोषबाट नै हामी कार्यक्रमलाई निरन्तरता दिनेछौं । गाउँपालिकाले लैङ्गिक समानताको लागि समान सोच र व्यवहार, समृद्धिको आधार तथा समृद्ध परिवार सुखि नारी, इच्छाकामना गाउँपालिकाको जिम्मेवारी भन्ने नाराका साथ १०९ औं अन्तराष्ट्रिय महिला दिवस मनाएको हो ।
मिति 2075-11-10 देखी मिति 2075-11-11 गते सम्म इच्छाकामना गाउँपालिका वडा नं 1, भाराङ मा एकीकृत घुम्ती सेवा संचालन, नागरिकता विहिन जनताको नागरिकता बनाउदै र घुम्ती सिबिरमा स्वास्थ सेवा ,कृषि- विउ विजन वितरण ,पशुसेवा-व्यवसायिक पशुपालन ,जेष्ठ नागरिक परिचयपत्र जस्ता अन्य सुबिधाहरु उपलब्ध गराउदै इच्छाकामना गाउँपालिकाका अध्यक्ष, उपाध्यक्ष लगायत कर्मचारीहरु। कार्यक्रम इच्छाकामना गाउँपालिका र जिल्ला प्रशासन कार्यालयको संयुक्त सहभागितामा आयोजना गरिएको हो ।
कुरिनटार, १७ माघ । इच्छाकामना गाउँपालिकाले दुई जना विद्यार्थीहरुलाई छात्रवृत्ति वितरण गरेका छन् । सम्पन्न चौथो गाउँ सभामा गाउँपालिकाले एमबिबिएसमा अध्ययनरत शुष्मा गुरुङ र इन्जिनियर तर्फ सन्तोष थापा क्षेत्रीलाई जनही रु ५०/५०हजारका दरले वितरण गरेका हुन् । उनिहरुको अभिभावकलाई गाउँपालिकाकी अध्यक्ष गीता कुमारी गुरुङ र उपाध्यक्ष कृतिकुमार श्रेष्ठले चेक हस्तान्तरण गर्नुभयो । सैबीच गाउँसभाले दुई जना कर्मचारीलाई सम्मान गरिएको छ । जिम्मेवारीको अतिरिक्त अन्य थप भूमिका समेत निर्वाह गरी पूर्ण इमानदार भई उत्कृष्ट कार्य सम्पादन गर्ने कर्मचारी तर्फबाट कर्मचारीद्वय राजन घिमिरे तथा कविता पोखरेललाई उच्च मूल्यांकन स्वरुप जनही नगद रु.१०हजार र सम्मान पत्रले कदर गरिएको गाउँपालीकाकी प्रवक्ता सावित्रि गुरुङले जानकारी दिनुभयो । गाउँपालिकाकी अध्यक्ष गीता कुमारी गुरुङको अध्यक्षता सम्पन्न गाउँसभाले विभिन्न ७ विद्ययकहरु समेत पारित गरेका छन् ।आर्थिक साह्यता वितरण सम्बन्धि कार्यविधि २०७५, इच्छाकामना गाउँपालिकाको अनुगमन तथा मुल्यांकन सम्बन्धी कार्यविधि २०७५, फोहोर मैला व्यवस्थापन सम्बन्धि कार्यविधि २०७५, अपांगता भएका व्यक्तिहरुको परिचयपत्र वितरण कार्यविधि २०७५, इच्छाकामना गाउँपालिकाको विद्यालय छात्रावृत्ति व्यावस्थापन सम्बन्धि कार्यविधि २०७५ , र शिक्षक छनौट सम्बिन्ध कार्यविधि २०७५ पारित गरिएको प्रवक्ता गुरुङले जानकारी दिनुभयो ।